Mbëmjen e sotme do të rikthehen edhe emocionet e Champions League. Ky kompeticion luan ndeshjet më spektakolare të tij, teksa në “Santiago bernabeu” do të vihen përballë Real Madrid dhe Manchester City. Kjo superndeshje do të startojë në orën 21:00.
“Los Blancos” e Ancelottit kundër “Qytetarëve” të Guardiolës. Nga njëra anë dëshira për t’u rikthyer në finale për të mbrojtur titullin, nga ana tjetër dëshira për t’u hakmarrë për eliminimin e zjarrtë një vit më parë.
Një vit më vonë, madrilenët nuk kanë ndryshuar shumë. Nga ana tjetër anglezët kanë një armë më shumë. Erling Haaland shkakton “frikë” në Spanjë, pasi ka shënuar 12 gola në 8 ndeshje në Champions League, 35 në 32 sfida në Premier League, gjithsej 51 gola në sezon. Ai do të drejtojë sulmin e Guardiolës, në një përplasje brezash me të pavdekshmin Karim Benzema, i cili në moshën 35-vjeçare është ende i aftë për një sezon me 29 gola në të gjitha garat. Një ndeshje që emocionet dhe spektaklin e ka të garantuar me tifozët që do të mbajnë frymën.
Lexo gjithashtu
