Kanë përfunduar seleksionimet për Kombëtaren U-15 në Durrës dhe në Elbasan. Përmes një njoftimi në faqen zyrtare, Federata Shqiptare e Futbollit bën me dije që janë përzgjedhur 61 më të mirët e këtyre dy qyteteve.
"Pas Elbasanit është zhvilluar të premten në Durrës sipas grafikut të përcaktuar edhe seleksionimi per lojtarët e përfaqësueses së zonës së Durrësit për moshën U-15 të datëlindjes 2003. Në këtë seleksionim morën pjesë 61 lojtarë të kësaj moshe nga Durrësi, Kavaja, Shijaku, Sukthi dhe Rrogozhina, nga ku u përzgjodhën në përfundim të testimit 18 lojtarë, si dhe 2 portierë. Ky test seleksionues u ndoq dhe u mbikqyr nga grupi i punës: Besnik Çela, Astrit Maçi, Xhemal Mustedanagiç, Millan Baci dhe Nevil Dede.
Ndërkaq, pak ditë më parë në Elbasan, sërish në kuadër të projektit të FSHF për ngritjen e ekipeve seleksionuese rajonale, Zyra Rajonale Elbasan, në bashkëpunim me FSHF organizoi edhe ajo ditën e seleksionimit, në të cilën morën pjesë rreth 74 futbollistë nga 114 të rinj të evidentuar nga Zyra Rajonale që i përkasin ekipeve U-15, përkatësisht të datelindjes 2003, që janë pjesë e kampionatit rajonal per këtë grupmoshe. Zyra Rajonale në bashkëpunim me ekipin e seleksionerëve të FSHF i përbërë nga z.Besnik Çela, Erjon Bogdani, Nevil Dede dhe Alban Tafaj, organizoi 4 ndeshje të cilat i shërbyen procesit të seleksionimit. Në përfundim të veprimtarisë u përzgjodhën plot 18 futbollistë të cilët do të përbëjnë edhe ekipin përfaqësues rajonal U-15", shkruhej në njoftimin e Federatës Shqiptare të Futbollit.
Lexo gjithashtu
