Apolonia është një nga skuadrat më të njohura të Kategorisë së Parë, që duket se do të vazhdojë të vuajë gjatë në këtë kategori, sepse shenjat nuk janë aspak pozitive. Për sezonin e ri pritej një organizim ndryshe, por klubi nuk ka mundur të zgjidhë ende një çështje thelbësor, siç është ajo e trajnerit të ri. Eshtë folur shumë për rinovimin e Artan Mërgjyshit, por ai duket gjithmonë e më larg fierakëve, pasi klubi myzeqar nuk po bëhet i gjallë. Për merkato as që bëhet fjalë. Lojtarët i kanë gjetur skuadrat e reja dhe sa më shumë kohë kalon, aq më e vështirë është të gjesh lojtarë të lirë. Në Fier kushtet janë vërtet shumë të mira, por kohëzgjatja e kontratave ka bërë pishman edhe ata që aktualisht janë pjesë e Apolonisë. Situata mbetet nga më pesimistet për skuadrën fierake.
Lexo gjithashtu
