Shorti i Champions League vuri përballë disa çifte interesante që do të përballen në datat 14/15 shkurt të vitit 2023. Një ndër duelet më të forta është ai mes kampionëve të Serie A, Milan dhe anglezëve, Tottenham. Në website-n zyrtar të skuadrës angleze, asistenti i Antonio Contes, Cristian Stellini foli për sfidën.
“Në këtë lloj kompeticioni, nëse arrin në raundin e dytë, çdo klub është gati dhe cilësor për të krijuar probleme për këdo. Milani fitoi Scudetton sezonin e fundit dhe e kanë nisur mirë edhe këtë sezon. Ata luajnë futboll të bukur. Ne i njohim shumë mirë sepse vijmë nga drejtimi i Interit dhe Milani ishte rivali ynë. Kështu që ne i njohim mirë lojtarët e tyre, pikat e forta dhe të dobta.
Milani ka një histori të gjatë në kompeticionet europiane dhe duhet ta respektojmë këtë fakt sepse ata kanë fituar shumë. Ne jemi të lumtur t’i sfidojmë ata dhe të përpiqemi të arrijmë objektivat tonë.”- u shpreh asistenti italian.
Lexo gjithashtu
