Një lajm i hidhur vjen mëngjesin e ditës së sotme. Është ndarë nga jeta shkrimtari i njohur Bedri Alimehmeti.
Pena e artë e “Tironës” që pasuroi librin e qytetit me histori, tregime dhe poezi ka mbyllur sytë përgjithkonë. Ndërsa ishte dhe tifoz i skuadrës bardheblu, teksa një jetë i ka kushtuar edhe gazetarisë sportive. Lajmin e ka bërë të ditur “Tirana.Info” në rrjetet sociale.
“Faqja Tirona me hidhërim njofton se osht nda sot nga jeta shkrimtari dhe miku jon i dashtun Bedri Alimehmeti, nji penë e artë e Tironës, nji arkivë që e pasuroi librin e qytetit tonë me histori, tregime, poezi etj. Nji njeri që do ti mungoj qytetit dhe qytetarëve Tironas dhe do mbetet i paharruar në mendjet tona.
Pritjet nga familja Alimehmeti tek funeral home Herri përballë Harry Fultz. Ceremonia mortore bëhet nesër në orën 11:00.
Faqja Tirona i shpreh ngushëllimet familjes dhe të afërmve, miqve dhe shokëve.
Qofsh i Xhenetit Bedri Alimehmeti “, thuhet në postim.
Lexo gjithashtu
