‘Xholi’ i Partizanit, Valentino Murataj, dha prononcimin e tij pas fitores me Laçin. Mesfushori i cili sot luajti sërish si mbrojtës i djathtë u shpreh se fitoret në minutat e fundit tregojnë forcën e mirë fizike të ekipit, por ndeshja duhet zgjidhur më herët për të shmangur trysninë.
“Duke qenë se Partizani ka 2-3 vite me të njëjtët lojtarë, kemi grup të mirë me harmoni që e tregojmë në fushë. Kemi forcë, karakter dhe mentalitet. Fituam në fund por duhet të shënojmë më herët pasi mund të hyjmë në presion dhe mund të ndëshkohemi.
Sezoni sa ka filluar dhe kemi patur dëmtime, mungojnë 6 sot. Unë ndihem mirë kur fitojmë, s’ka rëndësi ku luaj në fushë. Kur nuk shënon, ekipi hyn në tension dhe mund të pësosh, duhet ta përmirësojmë. Por, kjo tregon që fizikisht jemi mirë. U futëm pak në tension pasi patëm 4 fitore rresht dhe donim me çdo kusht 3 pikët. Nuk po dilnim rrjedhshëm, nuk po qarkullonim mirë topin dhe ky ishte problemi ynë sot.”
Lexo gjithashtu
