Klubi i Partizanit publikoi mbrëmjen e djeshme lajmin se nesër do të zyrtarizohej Orges Shehi në krye të pankinës së kuqe. Kampionët e Shqipërisë tregonin detajet e këtij prezantimi që u bë sot në ambientet e klubit kryeqytetas.
Megjithatë ajo që ra në sy ishte foto e përzgjedhur nga ana e klubit të Partizanit. Orges Shehit i urohej “mirëseardhja”, mirëpo të kuqtë kishin “plaçkitur” te Tirana. Ishte zgjedhur pikërisht një fotografi e bërë nga ana e Izmir Dodës, fotografi i njohur gjatë një ndeshje të skuadrës bardheblu.
Edhe pse tifozët e Partizanit janë fanatikë sa u përket gjërave që kanë të bëjnë me Tiranën, këtë herë duket se klubi i kuq ka harruar duke publikuar në kanalin e tyre zyrtar, një fotografi, që është pronë intelektuale e bardhebluve.
[caption id="attachment_717072" align="alignnone" width="672"]
Foto e Orges Shehit, prezantimi nga klubi i Partizanit[/caption]
[caption id="attachment_717070" align="alignnone" width="1024"]
Foto e Shehit e publikuar nga klubi i Tiranës[/caption]
Lexo gjithashtu
