
Paris Saint-Germain ka marrë vendim përfundimtar duke i vendosur ultimatum, Kylian Mbappes. Sipas Sipas Le Parisien, klubi francez dëshiron të përcaktojë situatën e yllit të tij sa më shpejt të jetë e mundur dhe pozicioni nuk do të kishte ndryshuar as pas deklaratave të fundit publike të lojtarit.
24-vjeçari është shprehur se dëshiron të qëndrojë në Paris deri në fund të kontratës. Por drejtuesit kanë marrë vendimin nëse nuk rinovon dhe nuk ka shenja pozitive në javët e ardhshme për një rinovim të mundshëm, Mbappe do të jetë zyrtarisht në treg.
Klubi e ka njoftuar edhe agjentin e tij për këtë dhe pritet që çmimi të fillojë me vlerën prej 200 milionë eurove. Nuk ka asnjë skenar në të cilin futbollisti më i paguar në Europë, të largohet pa lënë asnjë euro në arkat e klubit. Real Madridi po pret që PSG të ulet për të negociuar.