Mirlind Daku vetëm pak ditë më parë arriti të pajiset me pashaportë shqiptare dhe kjo do të thotë se tashmë do të jetë një alternativë për Sylvinhon.
Ish-sulmuesi i Kukësit e mbylli sezonin te skuadra e Mura në Slloveni, ku bëri paraqitje fantastik. Tashmë sulmuesi shqiptar është rikthyer te Osijek, pasi këto të fundit zotërojnë kartonin e ti. Kontrata aktuale e 25-vjeçarit me skuadrën kroate i përfundon në qershor të 2024.
Daku në 37 ndeshje në të gjitha garët me Mura arriti të shënonte 22 gola dhe dhuroi 2 asiste. Paraqitje këto që kanë tërhequr vëmendjen e gjigandëve rumunë. Rapidi i Bukureshtit ka shfaqur interesim për sulmuesin.
Në fakt mediat rumune theksojne se drejtuesit i kanë bërë ofertë zyrtare 25-vjeçarit dhe në ditët në vijim pritet të arrihet edhe marrëveshja mes palëve. Ofeta e Rapidit kap shifren e 800 mijë eurove, teksa Osijek për të lënë të lirë sulmuesin kërkon 1 milionë euro.
Lexo gjithashtu
