Klubi francez kërkon me çdo kusht sukseset ndërkombëtare dhe i ka ofruar kontratat e reja 2 ish-liderëve të Barcelonës dhe Real Madrid, Messi dhe Sergio Ramos. Kontrata e të dyve skadon në fundin e këtij sezoni dhe iu është ofruar një e re që e shtyn skadimin për një vit. Të dy erdhën në Paris sezonin e kaluar por aventura e tyre ishte për tu harruar me Messin që nuk ishte kurrë në lartësinë e tij dhe Ramos që e kaloi sezonin në infermieri.
Ky sezon është tjetër histori. Dyshja janë titullarë fiks dhe ndër më të mirët në fushën e lojës me trajnerin e ri Galtier. Lionel Messi ka në tavolinën e tij ofertën e rinovimit me PSG por në Spanjë po aludohet për një rikthim të mundshëm në Camp Nou ndaj mbetet të shihet se cila do të jetë zgjedhja e 7 herë fituesit të Topit të Artë.
Lexo gjithashtu
