Ervis Çaço ishte autori i golit të parë për Tomorin në fitoren kundër Bylisit në sfidën e vlefshme për javën e 2-të të Kategorisë së Parë. Ky ishte një sukses shumë i vlefshëm për beratasit, ndaj një kundërshtari që ka objektiva të ndryshme nga Tomori, pasi ballshiotët kërkojnë ngjitjen në Superligë.
Por, ajo që tërhoqi vëmendjen ishte veprimi i Ervis Çaços pas shënimit të golit, kur iu tregoi parakrahun kundërshtarëve në momentin e festimit, një ofendim që në fakt nuk u ndëshkua nga gjyqtari.
Ndërkohë që pas postimit që Çaço bën në profilin e tij në Facebook, ku tregon momentin e festimit të golit ndaj Bylisit, pikërisht shenjën e parakrahut sipër në drejtim të kundërshtarëve, i ka ardhur një koment nga gjyqtari Skerdi Greca, i cili i drejtohet: "E ke karton atë shoku, shkon deri te i kuqi".
Por, lojtari i Tomorit vijon të mbrojë gjestin e tij aspak sportiv dhe "fair-play" duke replikuar: "E kanë hallall ata atë dhe çik më shumë, se nga këta ra Berati vjet".
[caption id="attachment_43133" align="alignnone" width="318"]
Postimi i Ervis Çaços në facebook gjatë festimit të golit kundër Bylisit, duke ngitur parakrahun (në formë çadre)[/caption]
[caption id="attachment_43134" align="alignnone" width="498"]
Komentet mes gjyqtarit Skerdi Greca dhe Ervis Çaços[/caption]
Lexo gjithashtu
