Tottenham arriti të fitojë derbin e Londrës veriore përballë Arsenalit mbrëmjen e djeshme, me rezultatin e thellë 3-0. Kjo fitore ishte shumë e rëndësishme për të besarit e trajnerit Antonio Conte, që vazhdojnë të besojnë për një vend mes katër më të mirave dhe kualifikimit në Champions League.
Pas triumfit të rëndësishëm, Conte u pyet për të ardhmen e tij si trajner, ku së fundmi ka qarkulluar lajmi se do të jetë pikërisht strategu italian ai që do të zëvendësojë Pochettinon te skuadra e PSG-së.
Conte foli hapur për të ardhmen e tij, duke i premtuar besnikëri Tottenham: “Jam 100% i fokusuar te Tottenham, totalisht i përkushtuar vetëm këtu. Ky është karakteri im, jam një njeri shumë pasionant. E kam treguar këtë pasion te Tottenham”, u shpreh Antonio Conte, duke shuar kështu të gjitha zërat për një largim nga Londra.
Lexo gjithashtu
