Nuk shënoi por diti si të fitojë vëmendje, Ronaldo magjeps juventinët

Nuk e gjeti “mikun” e tij golin në ndeshjen debutuese të Serisë A me Juventusin, por Ronaldo ka ditur si të lërë gjurmë edhe pas takimit ku bardhezinjtë fituan me shumë mundime. Juventusi ka “goditur” me numrin e ndjekësve të ndeshjes së parë me Chievon. Sipas “Sky Sports Italia” takimi u ndoq nga 2.3 milionë njerëz, të cilët bëjnë që rrjeti televiziv sportiv të ketë numrin e 4-t më të madh të ndjekësve të një ndeshje të futbollit italian. “Derbi i Madoninas” i viteve 2013 dhe 2016 si dhe ndeshja Roma-Juventus e 2015 renditen para takimit të fundit të kampionëve në fuqi të Italisë. Aktivizimi i portugezit me “Zonjën e Vjetër” ka bërë që të rritet shikueshmëria nga takimi i parë i Serisë A të sezonit të kaluar me 68%. Tani pritet vetëm të nisë shpërthimi i tij në Itali.