Shqipëria do ta ndajë grupin në Euro2024 me Spanjën, Kroacinë dhe Italinë. Grupi B ku ndodhen kuqezinjtë është konsideruar dhe grupi i ferrit.
Ndeshja e parë luhet kundër Italisë në Dortmund, ndërsa Kombëtarja nuk njeh më parë fitore kundër axurrëve. Në 4 sfida, dy prej të cilave miqësore dhe dy për kualifikueset e Botërorit, janë të katërta humbje.
Sfida e dyta mbahet më 19 qershor në Hamburg, ku kundër Kroacisë do të tentohet tjetër rezultat pozitiv. Kjo përballje ballkanike do jetë për herë të parë mes skuadrave.
Ndeshjet e grupeve mbyllen me Spanjën më 24 qershor në Duseldorf. Kundër iberikëve është dhe bilanci më negativ, ku në 8 sfida të mëparshme janë të gjitha humbje. Shqipëria shkon në Gjermani për të regjistruar rezultatet e para pozitive me këto tri skuadra.
Lexo gjithashtu
