Edhe pse në fushën e blertë Cristiano Ronaldo po kalon një formë të mirë javët e fundit të kampionatit me Juventusin, problemet për portugezin nuk kanë fund kur bëhet fjalë për jetën e tij private jashtë fushës së blertë.
Së fundmi zbulohet se përveç akuzës së parë për përdhunim që është bërë në adresim të lojtarit të Juventusit nga Kathryn Mayorga, ngjarje që sipas kësaj të fundit ka ndodhur në vitin 2009, një tjetër femër ka akuzuar CR7-tën me të njëjtën akuzë.
Lajmi është konfirmuar nga avokati i gruas që paditi pak ditë më parë sulmuesin. Për "Daily Mail" ai ka thënë: "Një grua më ka telefonuar dhe më ka thënë që edhe ajo ka qenë pre e një ngjarje të ngjashme si klientja ime". Kjo deklaratë ka shtuar akoma më shumë hallet për portugezin i cili është vënë me "shpatulla pas murit" pas akuzave të një pas njëshme.
Lexo gjithashtu
