Teuta dhe Erzeni do të duelojnë mes tyre në “Niko Dovana” në kuadër të javës së 26-të të Superioreës. Një duel direkt për mbijetesën, ku të dyja ekipet i janë “jetike” 3 pikët në këtë sfidë.
Shijakasit kanë aktualisht 26 pikë, 1 më shumë se durrsakët që ndodhen në vendin e 9-të në tabelën e klasifikimit. Skuadra e Skerdi Bejzade vjen pas fitores me Kukësin dhe ndaj “djemve të detit” do të synojnë një tjetër triumf.
Ndërkohë nga krahu tjetër durrsakët e Edi Martinit kanë grumbulluar 4 pikë në 2 sfidat e fundit dhe në shtëpinë e tyre nuk u lejohen hapat fals. Historia e përballjeve direkte mes të dyja skuadrave tregon se shijakasit udhëheqin ndaj durrsakëve.
Në 10 ndeshjet direkte mes tyre në Superiore, 4 janë fituar nga Erzeni, 3 kanë përfunduar në favor të Teutës dhe po 3 sfida të tjera janë mbyllur në barazim. 11 gola kanë shënuar durrsakët dhe 7 janë shënuar nga skuadra shijakase.
Lexo gjithashtu
