Vetëm disa minuta para se topi të fillonte të rrotullohej në ndeshjen Angli-Iran, futbollistët e skuadrës nga Lindja e Mesme organizuan një akt proteste kundër represionit në vendin e tyre. Ashtu siç ishte paralajmëruar, futbollistët nuk e kënduan himnin, duke ia shtuar këtë gjest të gjitha atyre që kanë ndodhur në Iran muajt e fundit pas vdekjes së Masha Amini, e cila vdiq në duart e policisë muajin e kaluar, për mosmbajtjen e shamisë islame. Që atëherë, mijëra qytetarë kanë dalë në rrugët e Iranit çdo ditë për të protestuar fuqishëm kundër goditjes. “Mos këndoni himnin se heshtja është protestë dhe mos i festoni golat që ta dinë se jeni me popullin”, u është kërkuar lojtarëve nga aktivistët. Tha dhe u bë!

Iran players opt not to sing national anthem at World Cup https://t.co/grjmXtZqiG pic.twitter.com/fxBkDV6Ym9

— Reuters (@Reuters) November 21, 2022