Futbolli gjerman është sy e veshë tek “Der Klassiker”. Java e 10-të e Bundesligës pritet të dhurojë spektakël dhe gola. Dortmundi dhe Bayern Munich do të përballen për të luajtur të ashtuquajturën Klasiken e futbollit gjerman. Një ndeshje mjaft interesante dhe e fortë që do të startojë në orën 18:30.
Në prag të kësaj sfide ka folur edhe trajneri i “verdhezinjve”, Edin Terzic.
"Do të shohim se çfarë do të ndodhë. Por rrallë kam parë dy paraqitje zhgënjyese radhazi nga Bayern. Dhe tani ndaj nesh ndoshta do t'i shtohet një dozë e vogël zemërimi. Nuk ka kaluar shumë kohë që kanë shënuar tetë gola në një pjesë.
E dimë cilësinë e kundërshtarit dhe se do të jetë një ndeshje shumë e vështirë, por mezi presim ta luajmë. Ne u jemi afruar shumë në të kaluarën dhe sidomos vitin e kaluar i kemi shqetësuar. Duhet të mësojmë se këto ndeshje mund të vendosen në detaje. Duhet ta bëjmë lojën tonë efektive. Nuk mund të humbasim shumë mundësi nëse duam ta fitojmë ndeshjen”.
Lexo gjithashtu
