Trajneri i Real Madridit, Carlo Ancelotti, foli në konferencën për shtyp në prag të ndeshjes së parë gjysmëfinale të Kupës së Mbretit ndaj Barcelonës.
"E rëndësishme është të kemi personalitet dhe guxim për të luajtur një lojë të madhe. Ne jemi entuziastë për të luajtur këtë ndeshje sepse jemi afër finales dhe duhet ta shijojmë momentin. Kundër Barçës, në Superkupë, na mungonte angazhimi dhe forca, pastaj bëmë gabime individuale që nuk do t'i përsërisim. Nuk duam hakmarrje por titullin. Frikë? Do të jetë një lojë argëtuese.
Rodrygo dhe Hazard: "Hazard është mirë, ai është duke u stërvitur dhe mund të ketë minuta në ndeshjet e ardhshme. Rodrygo u stërvit për herë të parë sot, ai duket se është mirë, por do të shohim nëse do jetë titullar apo jo."
Një Real Madrid pa Modric dhe Kroos: "Mund të jetë, do ta shihni nesër. Duhet të marrim parasysh shumë gjëra. Ndoshta Kroos i mungon pak energjia dhe kjo është arsyeja pse ai mund të mos jetë në formacion, por për shkak personalitetit të tij, guximit dhe eksperiencës mund të jetë i dobishem.
Rëndësia e Benzemas: "Karim na ndihmoi shumë vitin e kaluar dhe shpresojmë që ai ta përsërisë veten tani. Momenti kyç i sezonit po vjen dhe të kesh Karim është i rëndësishëm për të fituar tituj."
Objektivat: “Deri më tani krahasuar me vitin e kaluar kemi dy pikë më pak në ligë, por nuk kishim arritur në gjysmëfinale të Kupës dhe kishim humbur ndeshjen e parë të 1/16 në Champions League. Jemi ku e meritojmë dhe tani vjen pjesa më e mirë, momenti i rëndësishëm i sezonit. Mendoj se mund të fitojmë ende, por unë nuk jam magjistar".
Copa del Rey: "Në fazat e hershme, titullarët zakonisht nuk rreshtohen, por në këtë pikë... Nuk është gara më e rëndësishme derisa të arrini në gjysmëfinale."
Votat në FIFA The Best: "Nuk jam i befasuar, është normale që tre të parët ishin këta lojtarë. Unë kam një konflikt interesi, por patjetër që votova për djemtë e mi edhe pse meritonin më shumë."
Lexo gjithashtu
