Barcelona kërkon që të bëjë një revolucion në sulm në merkaton e ardhshme verore. Katalanasit mesa duket nuk janë të kënaqur nga lojtarët e repartit ofensiv që kanë në organikë momentalisht dhe janë vënë në lëvizje për prurje të reja.
Siç raportohet nga Spanja, synimi kryesor i Barcelonës në verë është që transferojnë Mason Greenwood. Sulmuesi anglez që është në pronësi të Manchester United, këtë sezon është dërguar në huazim te Getafe në La Liga.
22-vjeçari, këtë sezon me Getafen ka bërë paraqitje mjaft të mira duke u rikthyer në formën e tij të dikurshme. Në 26 ndeshje, anglezi ka shënuar 8 gola, teksa ka asistuar në 5 të tjerë.
Manchester United nuk e preferon Greenwood për shkak të problemeve që lojtari ka patur me ligjin, teksa Barcelona është në “Pole Position” për ta transferuar në “Camp Nou”. Shuma e transferimit pritet të jetë 15-20 milionë euro, një shifër e përballueshme për katalanasit. Pritet të shihet se ç’do të ndodhë me të ardhmen e anglezit.
[caption id="attachment_727581" align="alignnone" width="730"]
Mason Greenwood[/caption]
Lexo gjithashtu
