Asion Daja u zgjodh nga Supersport si futbollisti më i mirë i takimit Tirana-Flamurtari 0-0. Mesfushori bardheblu bëri një paraqitje shumë pozitive, ndërsa në minutat e fundit pati një shans të mirë për të shënuar, por ishte portieri Halili që neutralizoi rrezikun dhe nuk lejoi të prekej porta e tij.
“Është një situatë e vështirë. Me këtë barazim në fakt u futëm pak në ritëm, pas 4 humbjesh radhazi dhe sidomos pas disfatës në derbi.
Rasti që humba në fund? Mendova të dilja pak më parë për të ndihmuar ekipin. Rasti që humba erdhi edhe për shkak se portieri Halili dhe mbrojtësi i Flamurtarit reaguan shpejt duke më mohuar golin.
Tirana këtë vit po kalon probleme, siç është ai i tifozëve, të cilët shpresoj të na rikthehen.
Do të fokusohemi te kampionati për ta mbyllur sa më mirë dhe të fitojmë Kupën, që është synimi ynë.
Ky vit iku tani dhe ne mendojmë për vitin e ardhshëm. Strategjia e klubit për të marrë lojtarë të huaj dhe futbollistë të rinj vendas është e mirë, por edhe ata kërkojnë kohë që të përshtaten.
Titulli kampion? Me fitoret e fundit të Skënderbeut, me trajnerin Ilir Daja dhe sidomos barazimin që mori Kukësi me Partizanin, mendoj se shanse më shumë ka Skënderbeu, për momentin”, tha Asion Daja për Supersport.
Loading ...
