Mirlind Daku është padyshim një nga prurjet më efektive te Kombëtarja shqiptare nga trajneri Sylvinho. Edhe pse nuk luajti gjatë gjithë kualifikueseve ai ia doli të fitonte zemrat e tifozëve kuqezi me ndeshjet ndaj Çekisë dhe Polonisë në “Air Albania”.
Por tashmë ai nuk vlerësohet vetëm nga shqiptarët, por edhe nga ish-ekipet e tij. Sulmuesi që aktualisht aktivizohet te Rubin Kazan në Rusi, është kujtuar edhe në një nga ish-skuadrat ku ka luajtur në të shkuarën.
Është pikërisht klubi slloven i Mura, të cilët vlerësojnë maksimalisht kontributin që 26-vjeçari nga Gjilani ka dhënë për fanellën e tyre.
“Një nga sulmuesit më të mirë në historinë tonë", shkruan klubi i Mura në faqen zyrtare për shqiptarin që me fanellën e sllovenëve ka luajtur 53 ndeshje, duke shënuar plot 27 gola dhe duke asistuar në 7 të tjerë.
Lexo gjithashtu
