Arsenal përballet me Wolves, në kuadër Premier League (20.15). Trajneri i ”Gooners”, Michel Arteta ka folur për mediet përpara këtij takimi. Ai pohon se ekipi ka mjaft probleme, sidomos në sulm, ku në kampionat ka shënuar vetëm një gol në 5 ndeshje.
”Pozita në të cilën unë besoj se duhet të jemi dhe ajo në të cilën jemi tani për tani, e kanë një dallim prej dy ndeshjeve.
Pra katër apo gjashtë pikë dhe kjo e bën dallimin e madh. Dallimi ku ne e humbim apo e fitojmë një lojë është jashtëzakonisht i vogël.
Ky është realiteti i kësaj lige dhe asaj se ku ndodhemi ne tani për tani. Ne duhet të jemi shumë të mirë në çdo gjë që e bëjmë tani sepse në këtë çast po na mungon diçka” – Tha ai.