Sylvinho e nisi punën e tij si trajner tek Kombëtarja jonë me një humbje minimale në transfertë përballë Polonisë me rezultatin 1-0, por dhe në atë humbje duke treguar forcë dhe karakter në fushën e lojës.
Por dy ndeshjet e radhës ai arriti ta udhëhiqte Shqipërinë drejt dy fitoreve, kundër Moldavisë në “Air Albania” dhe kundër Ishujve Faroe në transfertë, duke patur kështu një fillim të ngjashëm me atë të Giani de Biazit.
De Biazi erdhi në krye të kuqezinjve në vitin 2012 dhe në tre takimet e para që drejtoi, mori dy fitore dhe një humbje, e para 2- 1 në Gjeorgji dhe fitoi dy takimet pasardhëse me Katarin 2-1 dhe Iranin 1-0, por vetëm me një ndryshim nga starti i Sylvinhos, që ndeshjet e De Biazit ishin miqësore.
Por kujtojmë që tekniku italian arriti ta kualifikonte Kombëtaren tonë në Euro 2016, një kualifikim që ka shanse të ndodhë edhe me Sylvinhon nëqoftëse mbahet i njëjti ritëm.
Lexo gjithashtu
