Nice është surpriza e këtij sezoni futbollistik në futbollin Europian. Skuadra e drejtuar nga trajneri Lusien Favre u shpall kampione dimri pas sfidës së djeshme të fituar në shtëpi 2-1 kundër Dijon.
Mario Baloteli ishte autori i dy golave për Nicen, një prej tyre me penallti.
Nice e mbylli në vendin e parë këtë pjesë të parë të sezonit me 43 pikë, 4 më shumë se Monako e vendit të dytë.
Ndërkohë, Mario Baloteli ka realizuar 8 gola me fanellën e skuadrës kuqezi në këtë kampionat.
Festa në fund të ndeshjes ndaj Dijon me tifozët ka qenë e veçantë, ndërsa sulmuesi italian mund të jetë një arsye më shumë për të besuar se Nice do të shpallet kampione këtë sezon në Francë.
Poll
Lexo gjithashtu
