Pas dorëheqjes së trajnerit Ardian Mema, Kastrioti njoftoi rikthimin në stol të Emiljano Çelës. Tekniku ishte në krye të krutanëve në pjesën e parë të sezonit. Çela mori drejtimin e ekipit në sezonin e kaluar duke arritur një sukses në dukje shumë të vështirë teksa i nxorri më të mirën skuadrës së tij dhe siguroi qëndrimin në Superiore.
Ekzaktësisht “një fazë” ka qëndruar larg Kastriotit tekniku 37-vjecar teksa dha dorëheqjen pas humbjes 4-0 ndaj Tiranës ndërsa tani rikthehet pikërisht kundër bardhebluve pas 9 ndeshjeve. Kastrioti synon një rezultat pozitiv teksa ka edhe fushën në favor, një fushë ku bardheblutë kanë ngecur shpeshherë vitet e fundit. Mungesa e madhe është ajo e mesfushrit Edon Hasani që ka plotësuar numrin e kartonëve.
Poll
Lexo gjithashtu
