Amela Qershia është transferuar në Amerikë. Volejbollistja shkodrane ka bërë hapin e rëndësishëm në karrierën e saj teksa mësohet se ka firmosur një kontratë me skuadrën e MSU Denver Voleyball.
Lajmi është publikuar nga ekipi amerikan që përmes një njoftimi në kanalin zyrtar shkruante: “Ne kemi nënshkruar me Amela Qershia e cila vjen tek MSU Denver nga Shkodra, Shqipëria. Ajo ka ndihmuar ekipin e qytetit të saj, Vllaznia, të fitojë 4 tituj kampionë me U19 dhe luan për ekipin kombëtar shqiptar. Mirësevjen tek Denver Amela!”.
Një lajm pozitiv ky për talenten 19-vjeçare e cila ka qenë një nga lojtaret më të mira të skuadrës së Vllaznisë.
Loading ...
