Për herë të fundit në fushë kishte zbritur më 26 Janar të këtij viti, në sfidën mes West Hamit dhe Wimbledonit, të vlefshme për FA Cup, ndërsa që prej fundit të sezonit kishte mbetur pa skuadër, pasi ekipi londinez nuk preferoi t’i rinovojë bashkëpunimin që zgjaste prej verës së 2013-ës. Zbret në fushë pas dëmtimit të Alisson në ndeshjen e parë në kampionat dhe e nis si titullar finalen e Superkupës.
Adrian në vetëm 10 ditë si portier i Liverpulit, priti penalltinë vendimtare për t’i siguruar trofeun e dytë klubit në vitin 2019.
Dy javë më parë, Adrian nuk kishte një ekip. Ai e kishte kaluar pregatitjet verore individualisht në qytetin e tij të lindjes, Seville, pasi ishte larguar nga West Ham United në fund të sezonit të kaluar.
Kishte disa mundësi për t’u anëtarësuar në një klub të ri, por asgjë nuk ishte mbyllur akoma. Derisa, në fundjavën e Komunitetit Shield, erdhi një thirrje nga kampionët europian.
Ajo që ndodhi më pasi është një ëndërr.
“Një muaj më parë isha duke u stërvitur vetë në Spanjë me trajnerin tim dhe miqtë e mi më ndihmuan në stërvitje,” tha Adrian Liverpoolfc.com mes festimeve në Parkun Besiktas.
“Dy javë më parë unë me të vërtetë nuk e dija se ku do të luaja, qoftë në Spanjë apo një ligë tjetër. Por Liverpool më kontaktoi dhe më pyeti. Është vendimi më i mirë që kam marrë në jetën time tani.
“E dija se do të vinte momenti, por padyshim jo kaq shpejtë . Jam vërtet i lumtur që jam këtu dhe me të vërtetë krenar që lojtarët më ndihmuan që në fillim. Ata më pritën me krah hapur për të më bërë të ndjehem mirë.
“Ishte një natë madhështore.”
Loading ...
