Portieri i Interit, Andre Onana, ka folur për mediat angleze përpara finales së Champions League me Manchester City. Gardiani kamerunas nuk ka aspak frikë nga ekipi i Guardiolës teksa i sfidon të provojnë nëse janë më të mirët në botë ndaj tyre në këtë ndeshje.
“Siti ka ndoshta skuadrën më të mirë në botë, por do të duhet ta tregojë kundër nesh në fushë. Personalisht jam i qetë, pse të mos jem i qetë? Nuk kam presion mbi mua. Të gjithë ne e dimë se nuk do të jetë e thjeshtë, por ne do të jemi atje për të luajtur për 90 minuta në kërkim të lavdisë.
Sigurisht që ata do të kenë më shumë presion, por ky është futbolli. Në këtë jetë kam frikë vetëm nga Zoti, por për fat ai nuk do të jetë në fushë kundër nesh. Në fushë jemi 11 burra kundër 11 burrave dhe nuk na trembin”, tha Onana.
Lexo gjithashtu
