Gianluca Vialli u ndaq nga jeta në moshën 58 vjeçare. Shkak i kësaj u bë sëmundja e tij e rëndë të cilën e luftonte prej vitesh. Një nga më të medhenjtë e futbollit italian, e përshkroi sëmundjen e tij si një “shok të padëshiruar udhëtimi”, sëmundjen e kancerit të pankreasit.
Marianna Puolo, nëna e trajnerit të kombëtares, Roberto Mancini. Ka kujtuar Vialli-n, i cili ndër vite ka qenë një ndër shokët e ngushtë të Roberto Mancinit, kujtojmë këtu rrugëtimin e tyre nga Sampdoria e deri te shpallja kampione Europe, e kombëtares së Italisë në vitin 2021.
Mes lotve dhe dhimbje, nëna e Mancinit ka folur për humbjen e madhe të gjithë kombit italian: "Gianluca ishte si një djalë për mua, padyshim pa i hequr asgjë nënës së tij që po vuan kaq shumë për momentin".
“Të gjithë e dinë lidhjen e fortë që ka bashkuar gjithmonë djalin tim me Gianluca-n, dhimbja që kemi brenda është e madhe dhe nuk guxoj ta imagjinoj se çfarë ndjejnë familjarët e tij”.
“Ne e kemi ndjekur Gianluca-n bashkë me Roberton që nga Sampdoria, e kemi parë të rritet për momentin është gjithashtu e vështirë të gjesh fjalët. Të gjithë jemi të pikëlluar, është vërtet një moment i vështirë për ne”.
Lexo gjithashtu
