Falë stolit në ndeshjen Portugali – Zvicër, Gari Neville, ish-futbollist i Manchester United tashmë komentator, nuk humbi mundësinë për të folur edhe njëherë mbi Cristiano Ronaldon siç ka bërë edhe në intervistat e mëparshme.
“Kur Erik ten Hag e vendosi në stol, u tha që trajneri donte të zvogëlonte autoritetin e Ronaldos. Tani e bën edhe Fernando Santos, dikush që ka marrëdhënie të shkëlqyer me të prej tetë vitesh. Cristiano duhet të dëgjojë të vërtetën, duhet të kuptojë që ajo që po bën në fazën e fundit të karrierës së tij nuk është me vend.
Nuk do të surprizohesha nëse ai futet dhe shënon golin e fitores por shpejtësia e tij në fushë, sjellja e tij jo e mirë janë gjëra që duhen ndaluar. Nuk i shkojnë përshtat atij. A kishte bërë gabim trajneri i Juventusit kur e uli në stol? Po ai i United? Ndërsa tani ai i Portugalisë. Trashëgimia e atij është shkruar tashmë, ai do të jetë gjithmonë një ndër më të mirët e të gjitha kohërave.”- tha Neville.
Loading ...
