Frederik Veseli ishte pjesë e Salernitanas sezonin e shkuar në Serie A por pa luajtur asnjë minutë në kampionat. Në verë, mbrojtësi i Kombëtares kaloi në Serie B te Benevento që ndërtoi një ekip pretendent për ngjitjen në elitën e futbollit italian. Mirëpo, ky sezon po rezulton i dështuar për ta teksa po luftojnë për mbijetesë. Fajin për këtë e ka cilësia e dobët e kampionatit sipas Veselit.
“Ndoshta ne po paguajmë nga kjo mungesë e cilësisë. Në fillim të sezonit donim të mbështeteshim te cilësia jonë. Ne kemi cilësitë për të bërë futboll të bukur e jo si ai i SudTirol. Ideja jonë ishte që të kishim mentalitetin që kemi tani duke përdorur cilësitë tona por Serie B nuk është shumë cilësore. Edhe Frosninone kryesuese nuk bën futboll të bukur.”-tha Veseli për Ottochannel.
Lexo gjithashtu
