Kombëtarja do të zhvillojë në muajn shtator dy ndeshje mjaft të rëndësishme të vlefshme për kualifikueset e Euro 2024. Shqipëria do të luajë me 7 shtator në transfertë kundër Republikës Çeke dhe me 10 shtator në “Air Albania” përballë Polonisë.
Pritet që në Kombëtare të ketë ndryshime, sidomos në repartin e sulmit. Duke pasur parasysh dy ardhje të reja si Arbnor Muja dhe Mirlind Daku, por dhe formën e mirë e disa lojtarëve të tjerë pritet që Sylvinho të kryejë një “revolucion”.
Një sulm që pritet të jetë i mbingarkuar me Cikalleshi, Uzuni dhe Seferi që e kanë siguruar fanellën dhe kanë krijuar autoritet në ekip, por në krahun tjetër janë një sërë talentesh si Broja, Mehmeti, Muçi, Xhixha. Por pa harruar dhe 29-vjeçarin nga Shkupi, Jasir Asanin i cili bëri paraqitje majft të mira në 3 ndeshjet e tij të para me fanellën kuqezi.
Në krahun tjetër Muja dhe Daku që pritet të marrin nga një ftesë nga trajneri brazilian. Pavarësisht cilësive që zotërojnë është në dorën e trajnerit nëse do të zgjedhë lojtarë që shënojnë rregullisht, apo eksperiencën e Kombëtares.
Dy ndeshje mjaft të rëndësishme dhe Sylvinho duhet të jetë i kujdesshëm në zgjedhjet që bën, për të mos krijuar aludime mbi rezultatet apo zgjedhjet e tij pasi këto dy sfida të përfundojnë.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
