Nderim Nexhipi është i pranishëm në stadiumin “Arena e Demave” duke ndjekur ndeshjen Partizani – Vllaznia. Ish-lojtari i të kuqve, tani drejtor te Ballkani me të cilët ka dalë edhe kampion në Kosovë, foli për mikrofonin e Oversport në përfundim të pjesës së parë. Ish-mesfushori me batutë tregon se i mungon jeta në Shqipëri, veçanërisht peshku.
“Ndeshje shumë e vështirë sot. Për titullin kampion priten edhe 2 xhirot e fundit. Edhe në Kosovë, 4 xhirot e fundit ishim prapa dhe tani jemi kampionë. Pas shumë kohësh kisha kohë të lirë dhe të vija të shihja një ndeshje shqiptare. Sot është një derbi në këtë stadium.
Kemi bërë punë të mirë me Dajën si klub. Jeta në Kosovë është më intensive pasi kemi shumë mish. Më mungon peshku i Shqipërisë. Jeta e futbollit kështu është, nuk besoj që jemi aq keq, ka edhe më keq”, tha Nexhipi.
Lexo gjithashtu
