
Meriton Korenica nuk do të jetë më lojtar i Ballkanit. Sulmuesi largohet nga kampionët e Kosovës pas 3 vitesh, ndërsa do të vazhdojë karrierën në Turqi.
Nderim Nexhipi, drejtor sportiv te Manisa në Turqi ka bërë të mundur arritjen e marrëveshjes me Ballkanin për Korenicën. Ka qenë vetë ekipi nga Suhareka që ka zyrtarizuar largimin e lojtarit, ndërsa e falenderon për kontributin e dhënë dhe i uron suksese në vazhdim.
Kujtojmë se 26-vjeçari ishte një nga titullarët e padiskutueshëm të Ilir Dajës, ndërsa Nexhipi e "rrëmben" për ta transferuar në Turqi.
“Faleminderit kampion!
Kemi qenë me fat që në mesin tonë, kishim një futbollist model, siç ishit ju Meriton Korenica.
Ballkani dhe qyteti i Suharekës, do t'i ruajnë kujtimet më të mira të mundshme për ty, pasi gjithmonë ke dhënë shembullin e duhur, se si me ndershmëri, luftohet për fanellë e për klub.
Si brenda fushës, ashtu edhe jashtë saj, ti ishe modeli më i mirë i një sportisti, andaj dera e shtëpisë tonë, do të jetë gjithmonë e hapur për ty.
Klubi dhe tifozëria jonë, të dëshirojmë sukseset më të mëdha të mundshme në karrierën tënde.
Mirupafshim kampion”, ka shkruar Ballkani.