Italia ditën e djeshme është tronditur për lajmin e ndarjes nga jeta të Ish-Presidentit të Federatës Italiane të Futbollit, Carlo Tavecchio.
Për këtë humbje ka reaguar edhe Presidenti i Federatës Shqiptare të Futbollit, Armand Duka, i cili u ka shprehur ngushëllime familjarëve, ndërsa ka theksuar se ka pasur fatin ta takojë personalisht dhe se do të mbetet gjithmonë një mik i mirë për futbollin shqiptarë.
“Lajmi i ndarjes nga jeta të ish-Presidentit të Federatës Italiane të Futbollit, Carlo Taveçhio na ka pikëlluar shumë.
Kam pasur mundësi të njihem e të bashkëpunoj me të gjatë periudhës 2014-2018 kur ai drejtoi Federatën Italiane dhe ruaj konsideratat më të larta për vlerat dhe kontributin që ai i ka dhënë futbollit.
I shpreh ngushëllimet më të sinqerta familjes Taveçhio, miqve të tij, Federatës Italiane të Futbollit për këtë humbje të madhe.
Do të mbahet mend gjithmonë si një mik i mirë i futbollit shqiptar. Prehu në paqe Carlo!” ka shkruar Duka.
Lexo gjithashtu
