“Bëra tifo për Napolin me gjithë shpirt. 55 minuta luajti si i barabartë kundër Realit të Madridit”.
Kështu është shprehur portieri dhe kapiteni i Juventusit, Gigi Buffon për mikrofonat e “Mediaset Premium”, duke komentuar edhe humbjen e Napolit 3-1 kundër “Los Blancos”, rezultat që solli eliminimin e skuadrës italiane nga Champions League. “Dje në mbrëmje, Napoli më entuziazmoi”, tha Buffon.
Një deklaratë që pritej nga një kampion si kapiteni i Italisë, edhe pse aktivizohet me Juventusin, skuadër që Napoli po rivalizon së bashku edhe me Romën për titullin në Serinë A, ndërsa polemikat nga ana e napolitanëve nuk kanë reshtur në drejtim të bardhezinjve pas humbjes 3-1 në Torino për Kupën e Italisë.
Loading ...
