Presidenti i Real Madrid, Florentino Perez në një intervistë për mediat spanjolle u foli për problemet e futbollit. Ai e quajti si një fazë të sëmurë të futbollit europian dhe ndryshime drastike duhen bërë që fansat e rinj të mos largohen nga sporti. Ai gjithashtu i qëndron besnik projektit të European Super League ku është një ndër “arkitektët” kryesorë.
“Sporti ynë i dashur është sëmurë. Sidomos në Europë. Futbolli po humbet pozicionin si sporti kryesor në botë. Shqetësimi më i madh është fakti se të rinjtë po bëhen pak e më pak të interesuar në futboll. Struktura e kompeticioneve aktuale nuk tërheq spektatorët, përveçse në fazat finale.
Super League mbetet në mesin e procedimeve të gjyqit europian duke sfiduar monopolin e UEFA në futbollin europian. Nëse shohim finalistët e Champions League, Liverpool, një klub historik me 6 trofe të fituar, rezulton që jëmi përballur vetëm 9 herë gjithsej me ta në 67 vite.
Nadal dhe Djokovic janë përballur gjithsej 59 herë. Spektakël. UEFA po rrit ndeshjet ndërmjet ekipeve jo elitare. Kjo do të sjellë rënien e futbollit. Futbolli ka nevojë për menaxhim profesionist, modern dhe transparent. Duhet të ndalojmë përkeqësimin e futbollit ndaj ndërmorëm një hap me krijimin e Super League.”- deklaroi Perez
Lexo gjithashtu
