Me emërimin në pankinë të Paulo Fonsecas, Milani mesa duket ka rikthyer energjitë pozitive. Të gjithë në kamp janë mjaft pozitiv, me lojtarët që janë shumë gati për sezonin e ri futbollistik.
Një ndër ta është edhe mesfushori Yunus Musah. 21-vjeçari ka folur së fundmi pikërisht për gjendjen momentale të Milanit. Mesfushori thotë se të gjithë po mundohen të mësojnë nga trajneri i ri dhe djemtë e ekipit janë plot energji.
“Jemi rikthyer të freskët fizikisht dhe mendërisht nga pushimet. Po përpiqemi të mësojmë sa më shumë gjëra nga stafi dhe trajneri i ri. Të gjithë jemi të motivuar dhe plot emocione të reja. Djemtë ndihen plot energji.
Shpresoj të luaj për të gjetur ritmin e duhur dhe për t’u përgatitur sa më mirë për sezonin e ri. Modric? Jam përballur me të në La Liga. Luka është një futbollist i madh, prej tij mund të mësosh shumë gjëra”, ishin fjalët e Musah.
Lexo gjithashtu
