Anthony Martial është një nga ata talent që kishte sytë e botës mbi të. Ai shihej si e ardhmja e futbollit por karriera e tij mori një rrugë tjetër. Në një intervistë për mediat angleze, Martial ka akuzuar Mourinhon për mungesë respekti dhe mungesë minutash.
“Filloi me heqjen e numrit. Gjatë pushimeve, Mourinho më dërgoi një mesazh për të më pyetur nëse doja ta ndryshoja numrin nga 9 që kisha në 11 e legjendës Giggs. I thashë se kisha shumë respekt për Giggs por preferoj të mbaj numrin tim. Kur kthehem në klub, shoh fanellën time me numrin 11. Mungesë totale respekti.”- u shpreh Martial.
Më tej, sulmuesi foli dhe për mungesën e minutave nga Mourinho:
“Ai fliste për mua në media. Thoshte për mua se më pëlqejnë këto lojra por duhet të dija se me kë po luaja. Ai e di se unë isha 20 vjeçar dhe nëse reagoja do të mbetesha thjeshtë një i ri që ka mungesë respekti. Sezonin e dytë te United, isha golashënuesi i ekipit, pastaj ai solli Sanchez dhe unë nuk luajta më. Më kushtoi Botërorin me Francë. Duhet të isha atje duke ngritur trofeun.”- deklaroi Martial.
Lexo gjithashtu
