Ish-mesfushori i PSG-së dhe Italisë Thiago Motta i ka propozuar ekipit parizien të luftojë për të sjellë në "Parc des Princes" mesfushorin gjerman të kampionëve në fuqi të Europës Toni Kross.
Kroos ka arkivuar me Real Madridin sukseset më të mëdha të karrierës së tij kur brenda vetëm 4 viteve ka fituar 3 herë rresht trofeun e Ligës së Kampioneve, duke luajtur një kontribut të cmuar për "Los Blancos".
Kampioni në fuqi i botës me "Die Mannschaft" ka këmbëngulur vazhdimisht të qëndrojë me ekipin "mbretëror" por për Mottan kjo nuk duhet t'i pengojë manjatët e naftës nga Katari të mënjanojnë një futbollist të tillë.
Ish-lojtari i Interit dhe PSG-së ka vlerësuar aftësinë e Kroos për të luajtur në cdo pozicion të linjës së mesfushës.
"Personalisht, do të doja ta shihja Toni Kroosin te PSG-ja. Ai mund të luajë në pozicion të avancuar, por në stilin që i përshtatet PSG-së, ai është i jashtëzakonshëm. Ai është një lojtar që e admiroj shumë prej një kohë të gjatë. Kroos mund të luajë në secilin prej tre vendeve të mefushës, sidomos përpara mbrojtjes" deklaron për gazetën "Le Parisien" ish-lojtari që tashmë është pjesë e stafit teknik të kampionëve të Francës.
Kontrata e Kroos me Real Madridin skadon deri në 2022 dhe do të shihet nëse presidenti madrilen Florentino Perez do t'i ofrojë rinovim apo gjermani do të kërkojë një eksperiencë të re.
Lexo gjithashtu
