Luka Modriç ka folur për të ardhmen teksa ka thënë se është i lumtur me atë që po bën. Mesfushori i Real Madrid po shkëlqen edhe pse është në moshën 37-vjeçare.
Në një intervistë të dhënë për “Dario AS”, Modriç ka zbuluar sekretin e formës së mrekullueshme. Te madrilenët kërkesat janë maksimale dhe veç kontributit personal, atij i duhet të përcjellë edhe tek të rinjtë stofin që mbart klubi spanjoll.
“Unë e dua atë që bëj dhe po kënaqem si kurrë më parë në profesionin tim, sepse e di që jam në një moshë të vështirë për një futbollist. Ndoshta kjo është arsyeja pse po e shijoj si kurrë më parë, sepse nuk e di se sa mund të qëndrosh në këtë nivel dhe në këtë klub, në të cilin kërkesat janë maksimale. Mundohem të shijoj seancat stërvitore dhe lojërat. E gjithë kjo ndihmon për të qenë i mirë në këtë moshë.
Sot për shembull kam ardhur një orë e një çerek përpara stërvitjes dhe pothuajse çdo ditë ha mëngjes këtu. Unë i bëj gjërat e mia me trajnerët në palestër në mënyrë që të dal për stërvitje i ngrohur. Më pas, në varësi të mënyrës sesi ndihem, qëndroj për të bërë gjërat trajnerët çfarëdo që të nevojitet. Më pas shkoj në shtëpi për të kaluar kohë me familjen dhe fëmijët. I marr nga shkolla pothuajse çdo ditë. Është pak e mërzitshme, apo jo?”, ka thënë ai.
Kujtojmë që Modriç ka kontratë me Real Madrid deri në 30 qershor të vitit 2023.
Lexo gjithashtu
