Cervena Zvezda ose siç njihet ndryshe, Ylli i Kuq i Beogradit është kampione e Serbisë për të 31 herë në historinë e këtij vendit. Futbolli në Serbi rinisi pas 2 muajve ndalesë, ndërsa djemve të Dejan Stankovic i ka mjaftuar një ndeshje për të ngritur lart trofeun. Zvezda ia doli të fitonte 0-5 në transfertë ndaj Rad Beograd.
Diferenca prej 14 pikësh me Partizanin e Beogradit dhe 3 ndeshje të mbetura për të mbyllur sezonin, kanë bërë që tifozët e Zvezdës t’i gëzohen këtij titulli, që matematika ia dhuroi 3 javë nga fundit. Për ish-lojtarin e Inter, Dejan Stankovic e ka herëne parë që ngre lart trofeun si trajner, ndërsa më herët ka fituar dy tituj me ekipin serb në fushën e lojës.