Mirlind Daku, lojtari I Kukësit, që shënoi golin e fitores 1-0 ndaj Flamurtarit, është shprehur për Supersport se është I kënaqur që ka realizuar dhe shpreson të bëjë gjithmonë e më mirë.
"Ia ka vlejtur shumë pritja për të shënuar golin e parë. Shpresoj të vazhdoj me këtë ritëm. Është privilegj të jem konkurent me një sulmues si Vasil Shkurtaj. Xhika ka bërë një ndeshje shumë të mirë, pasi edhe portieri e ka bërë punën e tij, por edhe mbrojtja besoj se ka qenë solide.
Paraqitja për mua ishte e mirë, është një ndjenjë e mirë, unë gjithmonë e pres momentin tim, por në fund është trajneri ai që vendos. Rrëzimi në zonë? Unë mendoj se ishte penallti. Unë nuk pretendova të shkojë për të marrë penallti, sepse më ka penguar vetëm në momentin e fundit", ka thënë Daku.
Lexo gjithashtu
