Milani po mendon që tani për merkaton e janarit. Rezultatet negative të arritura deri më tani kanë bërë që drejtuesit të planifikojnë për afrimet dhe largimet që do të bëhen në skuadër. I pari në listë për t’u afruar është mbrojtësi Demiral. Futbollisiti I Juventusit kërkohej me ngulm edhe gjatë merktos së verës nga kuqezinjtë, por nuk arrit akordi pasi bardhezinjtë nuk dëshironin largimin e tij.
Mbrojtësi është aktivizuar shumë pak deri më tani dhe kërkon më shumë hapësira, një gjë e tillë ia ofrojnë te Milani. Maldini dhe Boban shpresojnë te shitja e Ricardo Rodriguez në merkaton e janarit dhe nga shitja e tij të arrijnë te Demiral. Mbrojtësi I krahut të majtë ka disa oferta nga Premier Liga dhe tashmë ngelet për t’u parë nëse do të ketë ofertë konkrete, me Milanin që shpreson shitjen e tij dhe të hidhet menjëherë te Demiral.
