Humbja me Atalantan ndezi një tjetër kambanë alarmi te Milani, i cili në dy muajt e fundit ka humbur shumë terren nga kreu i Serisë A. ‘Djalli’ tani rrezikon t'i thotë lamtumirë edhe Europës, vetëm nëse ndodh një mrekulli në ndeshjen e fundit kundër Neëcastle. Kuqezinjtë janë shumë të kufizuar prej mungesave, por janë pjesët e dyta që shqetësojnë jo pak Stefano Piolin dhe stafin e tij.
Milani ka pësuar plot 13 gola në 45 minutat e dyta të këtij sezoni, të njëjtat të pësuar nga Genoa dhe Frosinone e sapo promovuar. Vetëm Salernitana, Cagliari dhe Sassuolo kanë bërë më keq se skuadra e Piolit deri më tani me 14 dhe Empoli, skuadra më e keqe në pjesën e dytë, me 15 gola të pësuar.
Një ‘fikje’ e Milanit në minutat e fundit e cila duhet rregulluar urgjentisht nëse dëshirojnë të vazhdojnë të jenë pretendent për titullin kampion në Itali.
Lexo gjithashtu
