Apolonia do të luajë një ndeshje të rëndësishme këtë javë në Kategorinë e Parë. Fierakët presin në "Loni Papuçiu", Pogradecin kryesues dhe në lojë është vendi i parë. Diferenca mes dy skuadrave është vetëm një pikë e padyshim mund të quhet si sfida për kreun. Në një prononcim për "RTSH Sport", ka folur dhe një nga lojtarët më të spikatur te Apolonia, Redon Mihana. Talentin fierak ka shënuar deri më tani 5 gola në 14 ndeshje dhe premton se ndaj Pogradecit do të marrim fitoren për kreun.
"Jemi në një formë mjaft të mirë si ekip, ndonëse kemi pasur edhe mungesa, por te Apolonia dominon forca e grupit dhe jo individ. Deri më tani kemi bërë shumë mirë, jemi në vend të dytë me një pikë larg vendit të parë. Tashmë mendoj se ka ardhur koha që të bëjmë hapin e madhe"
"Profesor Mërgjyshi po na stëvit shumë mirë e shpresojmë të marim 3 pikë për të kapur vendin e parë ndaj Pogradecit. Skuadra po ecen mirë dhe kjo na ndihmon shumë për vazhdimsinë. Arritja e në Superligë do të jetë një gjë mjaft e mirë për ne lojtarët e rinj pasi do të tregojmë veten tonë".
Aspekti personal? "Nuk mund të them që është sezoni më i mirë, por kemi plotë ndeshje para. Skuadra po ecën mirë dhe aspekti personal në këtë rast kalon në plan të dytë. Ka ende shumë ndeshje përpara për të luajtur", u shpreh sulmuesi i talentuar Mihana.
Lexo gjithashtu
