Jorginho shkëlqeu sonte në "San Siro" në ndeshjen Milan - Chelsea. Anglezët fituan 2-0 dhe ishte pikërisht mesfushori autor i golit të parë kundër kuqezinjve.
Ai ka folur pas ndeshjes duke u ndalur dhe te penalltia e akorduar në dëm të Milanit. Jorginho është i sinqertë në deklaratën e tij për "Sky Sport": "Kartoni i kuq ndaj Tomorit ishte i ekzagjëruar. Nuk ishte penallti. Megjithatë edhe pse humbën, besoj se Milani do të jetë në top dhjetëshe.
Ekzekutimi i penalltive? Kam besim dhe jam i qetë. Të gjithë gabojmë ndonjëherë por duhet të mësojmë prej tyre. Gjithmonë përpiqem që të përmirësohem.
Napoli i Spalletit? Nuk jam i habitur. Ata po bëjnë shumë mirë. Jam i lumtur për ta. Frikë? Jo, respekt po. Sidomos për ata që luajnë mirë. Asgjë nuk fiton me frikë", tha ai.
Lexo gjithashtu
