Skuadra e Partizanit nuk po kalon një moment aspak të mirë. Përveç rezultateve në fushë, atmosfera në skuadër është tejet e trazuar dhe të gjithë po presin me padurim fundin e sezonit.
Ç'është e vërteta arbitrat kanë qenë protagonistë me vendimet e marra duke ndikuar drejtpërdrejt në rezultatet e të kuqve.
Rasti më i fundit ishte penalltia e mohuar ndaj Jasir Asanit në sfidën kundër Lushnjes. Gjyqtari anësor nuk e vlerësoi si 11-metërsh megjithëse pamjet filmike e nxjerrin bllof. Sot, në kanalin zyrtar të klubit të Partizanit në Instagram kanë ironizuar situatën e arbitrave me ekipin.
Siç duket "bilbilat" shqiptarë e kanë çorientuar aq shumë klubin e kuq, saqë tashmë kanali zyrtar ka nisur të përdoret si ato faqet humoristike të memeve.
Lexo gjithashtu
