Manchester United hedh sytë nga Romelo Lukaku. "Djajtë e kuq" kërkojnë sulmuesin e Everton dhe pritet që të bëjnë një ofertë konkrete për të, sapo të hapet merkatoja e verës.
Sulmuesi belg ka shënuar 24 gola në këtë sezon, duke qenë një nga futbollistët më të kërkuar tashmë në Europë.
Sipas mediave angleze, Mourinho kërkon Lukakun për të zëvendësuar Ibrahimoviç që është i dëmtuar dhe do të mugojë për rreth 8 muaj.
Everton kërkon nga 80-90 milionë euro për Lukakun, ndërsa Manchester Unidet mund të jetë një destinacion i kënaqshëm për belgun, gjithnjë nëse "djajtë e kuq" do të marrin pjesë në Champions League sezonin e ardhshëm.
Manchester United ka dy mundësi për të marrë pjesë në këtë kompeticion: përmes kampionatit, ku duhet të zërë të paktën vendin e 4-t, por edhe përmes Europa League, gjithnjë nëse fiton finalen ndaj Ajaxit.
Lexo gjithashtu
